رحلتي ياأمي وتركتيني وحيد الدار
من بعدك الدار صارت كومة حجار
وما عاد بقى لااخ وصديق ولا جار
. . .
بليلة المطر انقطع ورجع انهمر
وبليلةالحبيب هجرلكن غيره ظهر
بس انتي ياأمي رحلتى وما رجعت
بليلة ما كنت انافيهاولا ضو قمر
. . .
ياأمي اريد اخبرك هل الخبرية
عوضتني ام ولادي عن اكلاتك
والتلفزيون حكى لي كل حكاياتك
بالكتب قريت كل امثالك و كلماتك
بس ياأمي لما الهم سكن قلبي
ما حدابكيني بحرارة دمعاتك
. . .
اذكر ياأمي لمن كنت صغير
نمت بحضنك تا صرت كبير
عشتي عل الخبزة تاصير امير
مرضتي من البرد ولبستيني حرير
. . .
ياأمي من يوم الجيتيني بالحلم
بعيونك شفت دمعات الفرح ترتسم
وبين النهر والنهرشفايف تبتسم
قلتيلي :ماعشت لحظة معك فيها ندم
فرّحتني كلماتك، كانت لروحي بلسم
. . .
ياأمي من بعد حنيتك الحنين ارتحم
والحب يللي فتحنا عيونّا عليه انهزم
حتى البيت اللي بدمعاتك بنيتيه انهدم
. . .
يا أمي تركت الغربةتأرتاح بهل حضن
تاأشم منك ريحة القهوة والهيل والعجن
بعرف من السما تحرسيني وما غمضلك جفن
انا يا أمي :وصيتي قلتها لولادي امانة
غيربالقامشلي و بقبرك وعلى صدرك ما اندفن
المهندس سمير شمعون -القامشلي الساعة _ 11،45_ ليلا-تاريخ20-11-2010
.......................................